போக்குவரத்து விதிகளை மீறிய வாகன ஓட்டிகள்; போக்குவரத்து போலிஸார் அதிரடி..

 

புதுச்சேரி போக்குவரத்து முதுநிலை காவல் கண்காணிப்பாளர் திவ்யா வெளியிட்டுள்ள செய்திக்குறிப்பில்,

அனைத்து சாலை பயனாளர்களுக்கும் பாதுகாப்பான மற்றும் பாதுகாப்பு சூழலை உருவாக்கும் நோக்கில். புதுச்சேரி போக்குவரத்து காவல்துறை தொடர்ந்து வாராந்திர சிறப்பு அமலாக்க நடவடிக்கைகளை மேற்கொண்டு வருகிறது. இந்நடவடிக்கைகள். செல்போன் பயன்படுத்தி வாகனம் ஓட்டுதல், மதுபானம் அருந்தி வாகனம் ஓட்டுதல், சிறார்கள் வாகனம் ஓட்டுதல் தலைக்கவசம் இல்லாமல் வாகனம் ஓட்டுதல் மற்றும் அதிவேகமாக வாகனம் ஓட்டுதல் போன்ற முக்கிய போக்குவரத்து குற்றங்களை குறிவைத்து மேற்கொள்ளப்படுகின்றன.

இந்த ஆபத்தான செயல்பாடுகளை கட்டுப்படுத்தும் நோக்கில், புதுச்சேரி முழுவதும் சிறப்பு அமலாக்க இயக்கம் தொடங்கப்பட்டுள்ளது. முக்கிய சந்திப்புகள் மற்றும் விபத்து அதிகம் நடைபெறும் பகுதிகளில் போக்குவரத்து காவல்துறை பணியாளர்கள் தீவிர வாகன சோதனைகளை மேற்கொண்டு வருகின்றனர். விதிமீறிகள் மோட்டார் வாகனச் சட்டத்தின் தொடர்புடைய பிரிவுகளின் கீழ் வழக்குப்பதிவு செய்யப்படுகின்றனர் மற்றும் விதிக்கப்பட்ட அபராதங்களை செலுத்த வேண்டியுள்ளது.

20.04.2026 முதல் 26.04.2026 வரை நடைபெற்ற வாராந்திர சிறப்பு அமலாக்க நடவடிக்கைகளில் பதிவு செய்யப்பட்ட வழக்குகள் பின்வருமாறு:

செல்போன் பயன்படுத்தி வாகனம் ஓட்டுதல்: 1,095 வழக்குகள் விதிக்கப்பட்ட अक्र ₹10,95,000/-

மதுபானம் அருந்தி வாகனம் ஓட்டுதல்: 47 வழக்குகள் விதிக்கப்பட்ட அபராதம் ₹4,70,000/-

அதிவேகமாக வாகனம் ஒட்டுதல்: 50 வழக்குகள் விதிக்கப்பட்ட அபராதம் ₹50,000/-

ஹெல்மெட் இன்றி வாகனம் ஓட்டுதல்; 1459 வழக்குகள் அபராதம் ரூ.14,59,000/-விதிக்கப்பட்ட

இந்த வாராந்திர சிறப்பு இயக்கத்தின் போது, மேலே குறிப்பிடப்பட்டுள்ள பல்வேறு விதிமுறை மீறல்களுக்கு ரூ 30,74,000/- அளவிலான அபராதம் விதிக்கப்பட்டுள்ளது.

மேலும், 112 சிறுவர் வாகனம் ஓட்டிய வழக்குகளில் நடவடிக்கை எடுக்கப்பட்டுள்ளது பெற்றோர்கள் போக்குவரத்து காவல் நிலையத்திற்கு அழைக்கப்பட்டு, ஆலோசனை வழங்கப்பட்டு, இனி சிறுவர்கள் வாகனம் ஓட்டாதபடி கடுமையாக எச்சரிக்கப்பட்டுள்ளனர்.இந்த நடவடிக்கை அனைவருக்கும் பாதுகாப்பான சாலைகளை உறுதிசெய்ய தொடர்ந்து மேற்கொள்ளப்படும்.

பொதுமக்கள் வாகனம் ஓட்டும் போது செல்போன் பயன்படுத்துவதை தவிர்க்கவும். அழைப்புகள் அல்லது செய்திகளை பார்க்க வேண்டுமெனில் வாகனத்தை பாதுகாப்பான இடத்தில் நிறுத்தி பயன்படுத்தவும் அறிவுறுத்தப்படுகிறார்கள்.

புதுச்சேரி போக்குவரத்து காவல்துறை. அனைத்து சாலை பயனாளர்களும் பொறுப்புடன் நடந்து கொண்டு சாலை பாதுகாப்பிற்கு ஒத்துழைக்குமாறு கேட்டுகொள்ளப்படுகிறது.