ஆகஸ்ட் 4; முதல்வரை அலர்ட் செய்யும் பாஜக..!

புதுச்சேரி பாஜக முன்னாள் மாநில தலைவர் சாமிநாதன் வெளியிட்டுள்ள அறிக்கையில்,

புதுச்சேரி மாநிலத்தில் முதல்வர் அவர்களது பிறந்தநாள் வருகின்ற ஆகஸ்டு 4ம் தேதி வருகிறது. அதற்கு அவரது தொண்டர்கள் ஒவ்வொரு ஆண்டும் லட்சக்கணக்கான ரூபாய்க்கு பேனர்களை வைத்து வருகின்றார்கள். காமராஜர் அவர்கள் கோடிக்கணக்கான ஏழை மாணவர்கள் படிப்பதற்காக ஏராளமான கல்வி நிறுவனங்களையும் உருவாக்கிய பெருமை ஊழற்ற நேர்மையான ஆட்சியைக் கொடுத்த காமராஜர் அவர்களையே சாரும். கல்விக்கு கண் திறந்த காமராஜர் அவர்களை பின்பற்றும் புதுவை முதல்வர் அவர்கள், அதுபோல இந்த ஆண்டு முதல்வர் அவர்களுக்கு தனது தொண்டர்களுக்கு கட்டவுட் மற்றும் பேனர் வைக்கும் பணத்தில், ஏராளமான ஏழை மாணவர்கள் 12 ஆம் வகுப்பு படித்துவிட்டு மருத்துவம், பொறியியல் மற்றும் உயர்கல்வி படிப்புகளில் இடம் கிடைத்து, முதலாம் ஆண்டு கல்வித் தொகையை கட்ட முடியாமல் படிப்பை பாதியில் நிற்கும் சூழ்நிலையில் உள்ள கூலி தொழிலாளர்கள், தனியார் தொழிலாளர்கள் மற்றும் தாய், தந்தையை இழந்த மாணவர்கள் அவர்களுக்கு உயர்கல்வியை கற்க முதலாம் ஆண்டு கல்வித் தொகையை முதல்வர் பிறந்த நாள் பரிசாக கட் அவுட் பேனர் வைக்கும் பணத்தை ஏராளமான மாணவர்களுக்கு வழங்க முன்வர அறிவுறுத்த வேண்டும். மேலும் பேனர் இல்லாத அழகிய புதுச்சேரியை உருவாக்க முதல்வர் முதல் முயற்சி எடுக்க வேண்டும். இதே போன்று, அனைத்து அரசியல் கட்சிகளும் பின்பற்ற வேண்டும். வாழ்நாள் முழுவதும் ஏராளமான ஏழை மாணவர்கள் முதல்வர் பெயரை சொல்ல முன் வருவார்கள். மேலும் முதல்வர் பிறந்த நாள் பரிசாக வரும் பட்ஜெட்டில் ஆயிரக்கணக்கான பொதுத்துறை நிறுவன ஊழியர்களுக்கு மற்றும் அரசு சார்புள்ள ஊழியர் குடும்பங்கள் பல ஆண்டுகளாக சம்பளம் போடாமல் வறுமையில் வாழ்ந்து வருகின்றார்கள். மேலும், அவர்கள், தங்களது பிள்ளைகள் படிப்பை தொடர முடியாத சூழ்நிலையில் உள்ளனர். வருகின்ற பட்ஜெட்டில் முதல்வர் அவர்களுடைய பிறந்தநாள் பரிசாக அவர்கள் சம்பளத்திற்கு நிதி ஒதுக்கி பாக்கி சம்பளத்தை உடனடியாக வழங்க வேண்டும். நேர்மையான அதிகாரிகள் உயர்நீதிமன்ற தீர்ப்பை கட்டவுட் மற்றும் பேனர் விஷயத்தில் அமல்படுத்த முன் வரும் போது, அவர்களுக்கு அரசு போதிய ஒத்துழைப்பு வழங்கவில்லை. இதனால் நேர்மையான அதிகாரியாக இருந்தும் பல இடங்களில் தங்களது கடமையை அவர்களால் செய்ய இயலவில்லை. அவர்களுக்கு புதுச்சேரி அரசு முழுமையான ஒத்துழைப்பு வழங்க வேண்டும் என குறிப்பிடப்பட்டுள்ளது.