பாஜக பிரமுகர் செந்தில் கொலை வழக்கில், நீதிமன்றத்தில் 7 பேர் சரண்

பாஜக பிரமுகர் செந்தில் கொலை வழக்கில் திருச்சி நீதிமன்றத்தில் 7 பேர் சரணடைந்தனர்.

புதுச்சேரி வில்லியனூர் பாஜக பிரமுகர் செந்தில் நேற்று இரவு ஏழு பேர் கொண்ட மர்ம கும்பலால் வெடிகுண்டு வீசியும், கத்தியால் வெட்டப்பட்டும் படுகொலை செய்யப்பட்டார். இது குறித்து வில்லியனூர் போலீசார் வழக்கு பதிவு செய்து,4 தனிப்படை அமைத்து விசாரணை மேற்கொண்டு வரும் நிலையில், குற்றவாளிகள் திருச்சி நீதிமன்றத்தில் இன்று சரணடைந்தனர்.

நீதிமன்றத்தில் சரணடைந்தவர்களின் விவரம்;

புதுச்சேரி திருக்காஞ்சி பகுதியைச் சேர்ந்த நித்தியானந்தம் (வயது 43), புதுச்சேரி கொம்பாக்கம் சிவசங்கர் (வயது 23), புதுச்சேரி கோர்கார்ட் பகுதியைச் சேர்ந்த ராஜா (வயது 23), புதுச்சேரி தனத்து மேடு வெங்கடேஷ் (வயது 25),கடலூர் கிளிஞ்சிகுப்பத்தைச் சேர்ந்த பிரதாப் (வயது 24), புதுச்சேரி கோர்கார்டு பகுதியைச் சேர்ந்த கார்த்திகேயன் ( வயது 23),

புதுச்சேரி அரியாங்குப்பத்தைச் சேர்ந்த விக்னேஷ் (வயது 26) ஆகிய 7 பேர்.